ပညာရေး ၀န်ကြီးဌာနက ရာထူးတိုး၊ ပြောင်းရွှေ့မူဝါဒကို ဆရာ၊ ဆရာမများသို့ ပထမဆုံးအကြိမ် အသိပေး

ပညာရေးဝန်ကြီးဌာန သည် တက္ကသိုလ်ဆရာ၊ ဆရာမ များ ရာထူးတိုး၊ ပြောင်းရွှေ့ရေး ဆောင်ရွက်ရာတွင် ကျင့်သုံးသော မူဝါဒများကို ဆရာ၊ ဆရာမများ သို့ ပထမဆုံးအကြိမ် အသိပေး၍ သဘောထား ဆန္ဒတောင်းခံ လိုက် သည်။

တက္ကသိုလ်၊ ကောလိပ်၊ ဒီ ဂရီကောလိပ်များရှိ ဆရာ၊ ဆရာမ များ၏ နေရာအပြောင်းအရွှေ့ နှင့် ရာထူးတိုးအတွက် အငြင်း ပွားမှုများဖြစ်ပေါ်နေပြီးနောက် ရာထူးတိုး ပြောင်းရွှေ့မှုဆိုင်ရာ မူဝါဒများကို ဆရာ၊ ဆရာမများ အား အသိပေးရှင်းလင်းကြောင်း အဆင့်မြင့်ပညာရေး ဦးစီးဌာန (အောက်မြန်မာပြည်)က အ ကြောင်းကြားခဲ့ခြင်းဖြစ်သည်။

ပါမောက္ခ၊ တွဲဖက်ပါမော က္ခ၊ ကထိကနှင့် အောက်ရာထူး များအတွက် ရာထူးတိုးပြောင်း ရွှေ့မှုဆိုင်ရာမူဝါဒများကို ဆရာ၊ ဆရာမများအား ပြသခဲ့ပြီး သ ဘောထားမှတ်ချက်များ တောင်းခံနေကြောင်း တက္ကသိုလ်ဆရာ၊ ဆရာမများက ပြောသည်။

‘‘အရင်က ဆရာ၊ ဆရာမ တွေ ရာထူးတိုးနဲ့ နေရာအပြောင်း  အရွှေ့အတွက် တစ်ခါမှ ဒီလိုချ ပြတာမရှိသေးဘူး။ အခုမူဝါဒတွေဝေပြီးတော့ သဘောထားဆန္ဒ တွေ တောင်းခံနေတယ်။ ပြီးတဲ့ ကျောင်းတွေကို ဖက်စ်အမြန်ပို့ ခိုင်းနေတယ်တဲ့’’ဟု ဒဂုံတက္က သိုလ်ဆရာ၊ ဆရာမများအသင်းမှ ဆရာတစ်ဦးကဆိုသည်။

တက္ကသိုလ်ဆရာ၊ ဆရာမ များ၏ ရာထူးတိုးနှင့် နေရာ ပြောင်းရွှေ့သော ကြေညာချက် သတ်မှတ်ချိန်တွင် ထွက်ပေါ်လာ ခြင်းမရှိသောကြောင့် ဆရာ၊ ဆရာမများ၏ မကျေနပ်မှုကြီး ထွားနေချိန်၌ မူဝါဒထွက်ရှိလာ ပြီး သဘောထားဆန္ဒများ အလျင်အမြန် တောင်းခံနေခြင်းဖြစ် သည်။

‘‘တန်းစီဇယားရေးဆွဲရေးမူ မှာ သုတေသနလုပ်ဆောင်မှုနဲ့ အရည်အချင်းကို ထည့်သွင်းစဉ်း စားဖို့ အကြံပြုထားတယ်။ လုပ် သက်တွေပဲ ကြည့်နေရင် ဘာအ ရည်အချင်းမှ မရှိဘဲ အိပ်စောင့် နေရင်း ပါမောက္ခဖြစ်လာမှာပေါ့။ ရာထူးတိုးတွေမှာ ပါမောက္ခရဲ့ ထောက်ခံအမှတ်ပေးခိုင်းတာကို သဘောမကျဘူး။ ဘက်လိုက်မှု တွေများတယ်။ အဲ့ဒီအစား ရာထူး တိုးမယ့်သူရဲ့ ကိုယ်ပိုင်အရည် အချင်းတစ်ခုချင်းစီ အပေါ်မှာ အမှတ် သတ်မှတ်ပေးစေချင် တယ်’’ဟု ရေနံချောင်းဒီဂရီကော လိပ်မှ ဆရာမတစ်ဦးက ပြော ကြားသည်။

တက္ကသိုလ် ဆရာ၊ ဆရာမ များအတွက် ရာထူးတိုးပြောင်း ရွှေ့မှုဆိုင်ရာမူဝါဒများကို တစ် ကြိမ်တစ်ခါမှ ချပြဖူးခြင်းမရှိဘဲ ပထမဆုံးအကြိမ်ချပြခဲ့ပြီးနောက် တက္ကသိုလ်ဆရာ၊ ဆရာမများ အသိုင်းအ၀ိုင်းတွင် ဝေဖန်ပြော ဆိုမှုများ ပြင်းထန်နေကြောင်း သိရသည်။

‘‘၀န်ထမ်းဆိုတာ နယ်ပြောင်းရမယ်ဆိုတာ မှန်တယ်။ ဒါပေ မဲ့ နယ်တွေမှာ သူ့ရာထူးနဲ့ ကိုက်ညီတဲ့ နေရာထိုင်ခင်းပေးဖို့ တော့ လိုလိမ့်မယ်။ အခုက နယ်မှာ ရဲဘော်လိုင်းခန်းထက် စုတ်ပြတ်တဲ့ နေရာမျိုးပေးတာ။ ထမင်း၊ ဟင်းချက်စရာနေရာမရှိ လို့ အပြင်ဘက် ကော်ရစ်ဒါမှာ တန်းစီပြီးထွက်ချက်ကြရတာ။ ဒါ တွေကြောင့် ဆရာ၊ ဆရာမ တွေ နယ်မပြောင်းချင်ကြတာပါ။ ၀န် ထမ်းဖြစ်ပြီး မြို့ပေါ်မှာပဲ နှပ်ချင် ကြတာ မဟုတ်ပါဘူး’’ဟု နယ်မြို့ တစ်မြို့တွင် တာဝန်ကျနေ သော ဆရာမတစ်ဦးကပြောသည်။

ပညာရေးဝန်ကြီးဌာနသည် တက္ကသိုလ်၊ ကောလိပ်များသို့ ဆရာ၊ ဆရာမများ ပြောင်းရွှေ့ ရပါက အနည်းဆုံးတာဝန်ထမ်း ကာလအနေဖြင့် ရန်ကန်နယ်မြေ တက္ကသိုလ်များ၊ မန္တလေးနယ်မြေ တက္ကသိုလ်များ၊ ပြည်တက္ကသိုလ် နှင့် ပဲခူးတက္ကသိုလ်တုိ့အတွက် သုံးနှစ်၊ အခြားတက္ကသိုလ်၊ ကော လိပ် ၁၇ ခုအတွက် ၂ နှစ်နှင့် စစ် တွေ၊ မြစ်ကြီးနား၊ တောင်ကုတ် စသည့် ဝေးလံသော ဒေသများမှာ တက္ကသိုလ် ၁၁ ခုအတွက် တစ် နှစ်သတ်မှတ်ထားသည်။

Author: နေလင်းထွန်း
7Day Daily

တက္ကသိုလ်ဝင်တန်း ဘာသာစုံဂုဏ်ထူးရှင် ရန်ကုန်တိုင်းတွင် ယခင်နှစ်ထက် နှစ်ဆများ

တက္ကသိုလ်ဝင်တန်းစာမေးပွဲ အောင်စာရင်းများ ဇွန်လ ၇ရက်က နံနက်က ထွက်ပြီးဖြစ်ရာ ရန်ကုန်တိုင်းနှင့် မန္တလေးတိုင်းတွင် ဘာသာစုံဂုဏ်ထူးထွက်သူ ယခင်နှစ်ထက်ပိုမိုခဲ့ပြီး ရန်ကုန်တိုင်းတွင် နှစ်ဆပိုမိုခဲ့သည်ဟု အမှတ်(၃)အခြေခံပညာ ဦးစီးဌာနမှ လက်ထောက်ညွှန်ကြားရေးမှူး ဒေါ်ဆွေဆွေလဲ့က မဇ္ဈိမကို ပြောသည်။

"ဒီနှစ် All D(ဘာသာစုံဂုဏ်ထူး)ကတော့ နှစ်ဆတက်လာတယ်။ အောင်ချက်ကတော့ မနှစ်ကထက် ၁ဒသမ ၇၄ ရာခိုင်နှုန်း တက်လာတယ်"ဟု ဒေါ်ဆွေဆွေလဲ့က ပြောသည်။

ရန်ကုန်တိုင်းတွင် ယခင်နှစ်က ဘာသာစုံဂုဏ်ထူးပါသူ ၁၉၇ဦးသာ ရှိသော်လည်း ယခုနှစ်တွင် ၄၁၇ဦး ထွက်ရှိခြင်း ဖြစ်သည်။ ငါးဘာသာဂုဏ်ထူးရှင်မှာ ၇ဝ၁ဦး၊ လေးဘာသာဂုဏ်ထူးရှင် ၁၂၈၈ဦး၊ သုံးဘာသာ ဂုဏ်ထူးရှင် ၁၂၂၉ဦး၊ နှစ်ဘာသာ ဂုဏ်ထူးရှင် ၁၅၈၈ဦးနှင့် တစ်ဘာသာဂုဏ်ထူးရှင် ၃၉၁၁ဦး ရှိသည်ဟု အမှတ်(၃) အခြေခံပညာ ဦးစီးဌာန၏ စာရင်းများအရ သိရသည်။

မန္တလေးတိုင်းတွင်မူ ဂုဏ်ထူးရရှိသူဦးရေ တက်လာသော်လည်း အောင်ချက်ရာခိုင်နှုန်းမှာ ယခင်နှစ်ထက် ငါးရာခိုင်နှုန်း ကျဆင်းခဲ့သည်ဟု မန္တလေးတိုင်း ပညာရေးမှူးက ပြောသည်။

အောင်ချက်ရာခိုင်နှုန်းမှာ ရန်ကုန်တိုင်းတွင် ၃၆ဒသမဝ၇ ရာခိုင်နှုန်း၊ မန္တလေးတိုင်းတွင် ၂၄ဒသမ ၄ဝရာခိုင်နှုန်း၊ မွန်ပြည်နယ်တွင် ၄၇ဒသမ ၁၃ရာခိုင်နှုန်း၊ ဧရာဝတီတိုင်းတွင် ၄၄ဒသမ ၈၆ ရာခိုင်နှုန်းနှင့် စစ်ကိုင်းတိုင်းတွင် ၃၁ဒသမ ဝ၁ရာခိုင်နှုန်း တို့ဖြစ်သည်။

မန္တလေးတိုင်းအတွင်း ဘာသာစုံဂုဏ်ထူးအများဆုံးထွက်သည့် မြို့နယ်မှာ ချမ်းအေးသာစံမြို့နယ်မှ ခြောက်ဘာသာဂုဏ်ထူးရှင် (၃၅)ဦး၊ ငါးဘာသာဂုဏ်ထူး(၈၆)ဦးထွက်ပေါ်ခဲ့ပြီး တစ်တိုင်းလုံးတွင် ဂုဏ်ထူးရရှိသူဦးရေမှာ (၆၁၄၅)ဦး တိတိ ရှိသည့်အနက် ရူပဗေဒဘာသာရပ်တွင် အများဆုံး ဂုဏ်ထူးရရှိခဲ့ရာ (၇၂၇)ဦးရှိသည်။

ခင်မြတ်မြတ်ဝေ၊ မျိုးသန့်၊ ကိုတိုးကြီး
Mizzima - News in Burmese