ရွာ့ကျက်သရေ - (သိပ္ပံမောင်ဝ)

ကကြီး ရရစ် ကသတ် ကြက်၊ ကကြီးရရစ် ငသတ် ကြင်။

နှစ်တစ်လီနှစ်၊ နှစ်နှစ်လီလေး၊ နှစ်သုံးလီခြောက်။
သဝေထိုး ငရေးချ ကသတ် ငေါက်၊ သဝေထိုး ငရေးချ ငသတ် ငေါင်။

ကကြီးရေ က၊ ကကြီးရေးချကာ၊ ကကြီးရေ လုံးကြီးတင် ကိ၊ မရရစ်လုံးတင် ချောင်းငင်ကသတ် မြိုက်၊ မရရစ် လုံးကြီးတင် ချောင်းငင် ငသတ် မြိုင်။

ဧ၀ံ မေ သုတံ၊ ဧကံ သံ မယံ။

ကကြီး၊ ခခွေး၊ ဂငယ်၊ ဃကြီး အစရှိသော အသံများသည် မိုးသံနှင့် လုံးထွေးပြီး သကာလ ကုက္ကိုဝ သူကြီးမင်း ဦးဖိုးထုံ၏အိမ် မြောက်ဘက် အရပ်တွင် ထကြွ သောင်းကျန်းလျက် နေကြလေသည်။ အချိန်ကား နံနက် ၆-နာရီခန့်သာ ရှိသေး၏။ အဆိုပါ ဆူညံလှစွာသော အသံကိုကား ကုက္ကိုဝရွာ အဖို့ မင်္ဂလာရှိသော အသံ၊ သာယာသောအသံ၊ ကျက်သရေရှိသော အသံများ ဖြစ်ကြ၏။ ရွာသူကြီး၏ အိမ်တွင် မိုးအေးအေးနှင့် ကွေး၍ အိပ်ပျော်နေသော မောင်လူအေးအဖို့ကား ငှက်ဆိုး၏ အသံနှင့် ခပ်ဆင်ဆင် တူလျက် နေလေသည်။

ထိုအသံများ၏ ပိုင်ရှင် ကျောင်းသား ကျောင်းသူကလေးတို့စုဝေးရာ ရွာကျောင်းကား ဒိစတြိတ် ကောင်စီ၏ အထောက်အပံ့ခံကျောင်း မဟုတ်။ အစိုးရမင်းက အသိအမှတ်ပြုသော ကျောင်းလည်းမဟုတ်၊ အမျိုးသား ပညာရေးအဖွဲ့က အားပေးသော ကျောင်းလည်းမဟုတ်ပေ။ ထိုကျောင်းသား ကျောင်းသူကလေးများ က တစ်ယောက်လျှင် တစ်နှစ်အတွက် စပါးသုံးတင်းမျှသော အထောက်အပံ့ကိုသာ ခံယူကာ တည်ထောင် ထားသောကျောင်းဖြစ်လေသည်။


ဤသို့ ကျောင်းသားကလေးများ၊ ကျောင်းသူကလေးများမှ တစ်ပါး အခြား မည်သူ၏ အထောက်အပံ့ကို မျှ ခံယူသော ကျောင်းမဟုတ်သောကြောင့် ပညာအုပ်၊ ပညာဝန်ထောက်၊ ပညာဝန်၊ ဒိစတြိတ် ကောင်စီ လူကြီးမင်းတို့၏ စစ်ဆေးခြင်းမှ လုံးလုံးကင်း၏။ ထိုကျောင်းကို အုပ်ချုပ်ကာ မင်းလုပ်နေသော ဆရာစောပင် ပညာဝန်၊ သူပင် ပညာမင်းကြီး၊ သူပင် ပညာရေး အမတ်ချုပ်ကြီး ဖြစ်လေသည်။

နွေအခါ မေမြို့၌ ရုံးစိုက်၍ မိုးအခါ ရန်ကုန်မြို့တွင် ရုံးစိုက်တော်မူသော ပညာရေး အမတ်ချုပ်ကြီးထက်ပင် ဆရာစောမှာ လွတ်လပ်ခွင့် ရသေး၏ ပညာရေး အမတ်ချုပ်ကြီးမှာ မင်းတိုင်ပင်အမတ်တို့၏ အမေးများကို ဖြေကြားရလေသည်။ ကုက္ကိုဝရွာ ဆရာစောကား မည်သူ၏ အမေးကိုမျှ ဖြေကြားရန် မလို။ မိမိစိတ်ထင်တိုင် သင်ကြားနိုင်သော ဂုဏ်ထူးရှိ၏။ မိမိ သင်ကြားလိုသော စာပေတို့ကို သင်ကြားနိုင်၏။ မိမိ ကျောင်းလွှတ်ချင်သော အချိန်တွင် လွှတ်နိုင်၏။ မိမိကျောင်းပိတ်ချင်သော အချိန်တွင် ပိတ်ထားနိုင်၏။ သူ့အား မည်သူကမျှ လာ၍ ဒုက္ခမပေးနိုင်။ ပညာအုပ်မင်းများ လာလျှင် ဆင်းကြိုရသော ဒုက္ခ၊ သူတို့အတွက် လှည်းတို့၊ လှေတို့ကို စီမံပေးရသော ဒုက္ခမျိုးမှလည်း လုံးလုံးကင်းပေ၏။
ကျောင်း၏ ပုံပန်းကို အနည်းငယ် ရေးပါရစေဦး။

ဆရာစော၏ ကျောင်းမှာ ဓနိကာ၊ ဓနိမိုး၊ ၀ါးလုံးတိုင်၊ ၀ါးလုံးကြမ်းခင်း၊ ပြတင်းပေါက် နှစ်ပေါက်၊ တံခါးပေါက် နှစ်ပေါက်မျှသာ ရှိလေသည်။ ဤမျှနှင့် ကျောင်း၏ ပုံပန်း ပေါ်လောက်ပြီ။

ဆရာစောကား အထက်သား ဇာတိ၊ ဘုန်းကြီးလူထွက် ဖြစ်လေသည်။ မည်သည့်မြို့၊ မည်သည့်အရပ်မှ ရောက်လာသည်ဟူ၍ကား မည်သူမျှ မပြောပြနိုင်။ ရဟန်းဘ၀က မည်သည့်စာအထိ ပေါက်ခဲ့သည်ဟူ၍လည်း မည်သူမျှ မသိ။ ဆရာစော၏ အပြောအဆိုအတိုင်းကား သင်ရိုးပေါက်ခဲ့သူ တစ်ယောက်ဖြစ်လေသည်။ ရဟန်းဘ၀တွင် မပျော်ပိုက်၍ လူထွက်ရသည်မဟုတ်။ ၀ိနည်းအတိုင်း မကျင့်နိုင်သောကြောင့်သာ လူထွက်၍ လာရခြင်း ဖြစ်လေသည်။

ဆရာစော၏ ပုံပန်းကား အသားနက်နက်၊ မျက်လုံးကျယ်ကျယ်၊ နှုတ်ခမ်းတွဲတွဲ၊ နှာတံကောက်ကောက်။ သို့သော် ကြောက်စရာကား မကောင်းပေ။ တစ်ထွာခန့်ရှည်သော ဆံတိုများကို သိမ်းရုံးကာ မျက်နှာသုတ်ပ၀ါဖြင့် ပေါင်း၍ထား၏။ အင်္ကျီကား မရှိ။ လုံကွင်းမှာ လက်နှီးရောင်၊ ဖာထေးရာတွေမှာ အနန္တ၊ အောက်ဘက်အစတွင် အကွဲက နှစ်ကွဲ၊ လက်ထဲတွင်ကား ကြိမ်လုံး တစ်လုံးကို ကိုင်လျက်။ ပါးစပ်ကမူ ဆေးတံကြီးကို ခဲထားလေသည်။ ထိုဆေးတံမှာ အရိုးကျိုးနေပေပြီ။ `သစ်မရှိခင် စပ်ကြား ၀ါးပေါင်:ကွပ်´ ဆိုသော စကားနှင့် အညီ ကျိုး၍သွားသော သစ်သားရိုး၏ နေရာတွင် ၀ါးပိုးကို တပ်၍ ထား၏။

ထိုဆေးတံကြီးကို ဖွာကာ ဖွာကာ ဆယ်အိမ်ခေါင်း ဦးလူမော်နှင့် တွဲရေး ခွဲရေးအကြောင်း
ဆွးနွေးနေကြလေသည်။

ဤသို့ဆွေးနွေး၍ ကောင်းနေကြခိုက်တွင် မောင်တင်နှင့် မယ်အေးတို့သည် တစ်ယောက်ကို တစ်ယောက် ဆဲရေး နေကြလေသည်။

ငထွန်းကား စာမအံ၊ ယင်ကောင်တွေ ဖမ်းပြီးလျှင် နောက်တိုး၏ နားထဲသို့ လွှတ်သွင်းသဖြင့် နောက်တိုးနှင့် ငထွန်းတို့ တစ်ယောက်နှင့် တစ်ယောက် စကားများကြပြီးနောက် တစ်ယောက် တစ်ချက်စီ ထိုးနေကြလေပြီ။

စိန်ဖေကား ဖေသန်းနှင့် အတူ ကျောင်းနောက်ဖေး ကွင်းပြင်ထဲတွင် ပြေးလွှာ:ကစားကာ ဖားကလေးများကို ဖမ်းလျက် နေကြလေသည်။ နောက်ဖေး အိမ်သာတွင်းကား ဘထွန်း၊ သာအေး၊ ငွေလှိုင်၊ စံမြ တို့လူစု ဦးတာတေ၏ ကျွဲများကို ဖမ်း၍ စီးရန် တိုင်ပင်နေကြလေသည်။

ထွန်းဝေနှင့် စံသိန်းတို့ကား ကျောင်းအောက်တွင် နပန်းလုံးနေကြကုန်၏။ သာထွန်းနှင့် ညွန့်မောင်တို့က ဒိုင်လုပ်ကြလေသည်။

ဝေလင်းကား မိမိ၏ ကျောက်သင်ပုန်း ပေါ်တွင် ခွေးရုပ်၊ကြောင်ရုပ်၊ ကြက်ရုပ်များကို ရေးပြီးလျှင် တင်အေးအား ပြလျက်နေလေသည်။ တင်အေးက ဝေလင်းအား ချီးမွမ်း၍ မဆုံးပြီ။ မိခွေးနှင့် မယ်သိန်းတို့ ထောင့်တစ်ထောင့်တွင် ခရားစေ့ တောက်တမ်း ကစားနေကြလေသည်။ ဆရာစောကား စကားပြော၍ ကောင်းတုန်းပင်။

သို့နှင့် ယခင်က ဆူညံ၍ နေသော စာအံသံကြီးမှာ တစ်စ တစ်စ တိုး၍ တိုး၍ သွားလေတော့၏။ နောက်ဆုံး၌ စာအံသံ ဟူ၍ မကြားရတော့ပြီ။ ဆော့နေကြသော အသံ၊ ရန်ဖြစ်နေကြသော အသံ၊ ရယ်နေကြသော အသံတို့ကိုသာ ကြားရလေသည်။
ထိုအခါကျမှ ဆရာစောလည်း မိမိ၏ ညာလက်တွင် ကိုင်၍ ထားသော ကြိမ်လုံးဖြင့် ကြမ်းပြင်ကို ဘန်းဘန်း မြည်အောင် သုံးလေးချက် နှက်လေ၏။

ကျောင်းသား ကျောင်းသူ အပေါင်းတို့လည်း ရမိရရာကို နားကွဲလုအောင် ဟစ်အော်ခြင်း ပြုကြလေ သည်။ အိမ်သာတွင် တိုင်ပင်နေသူတို့သည် လည်းကောင်း၊ ကျောင်းအောက်တွင် နပန်းလုံးနေသူတို့သည် လည်းကောင်း နေရာများသို့ ရောက်ကြလေပြီ။ သူတို့လည်း ထင်မိထင်ရာကို
ကာက်ကာ အော်ဟစ် နေကြ ကုန်၏။

ဆရာစောကား တိုင်းရေးပြည်ရေး အကြောင်း ဆက်လက်၍ ဆွေးနွေးလျက် နေပြန်လေသည်။
အတန်ကြာလျှင် စာအံသံကြီး တိတ်လျက် သွားပြန်၏။ ဆရာစော၏ ကြိမ်လုံးနှင့် ကျောင်းတော်၏ ကြမ်းပြင်တို့ စကားပြောကြရပြန်၏။ ဤနည်းအတိုင်း တိတ်ချည် ဆူချည်နှင့် နေလေတော့သည်။
စာအံခြင်း သုံးကြိမ်မြောက် တိတ်၍ သွားသောအခါ အေးမောင်နှင့် လူလှတို့ ကျောက်တံ လုရာမှ ရန်ဖြစ်ကြ၏။ အေးမောင်က ကျောက်တံဖြင့် ထိုးလိုက်ရာ လူလှလက်မှ သွေးဖျန်းဖျန်း ထွက်လေသည်။ လူလှ က ပြန်၍ ကျောက်သင်ပုန်းစောင်းဖြင့် ခုတ်လိုက်ရာ အေးမောင်၏ နဖူးတွင် ကွမ်းသီးလုံးခန့် ဖူး၍ လာ၏။

အချို့က အေးမောင်လွန်သည်ဟု ဆိုကြလေသည်။ အချို့က မူကား လူလှလွန်သည်ဟု ဆိုကြ၏။ အချို့က အေးမောင်အားသနားကြ၏။ အချို့ကမူကား လူလှအားသနားကြလေသည်။ တိုးတိုးစုရုံး စုရုံးနှင့် နေကြကုန်၏။ အေးမောင်နှင့် လူလှတို့ ကျိတ်ကာငိုနေရရှာသည်။ နှစ်ယောက်စလုံး လွန်သူချည်း ဖြစ်သည်။ ဆရာစောသိသွားမှဖြင့် ကြိမ်လုံး ဓာတ်စာ ကျွေးမည်ကို ကြောက်ကြလေသည်။
အောင်သိန်းကား သူတကာ အရိုက်ခံရသည်ကို မြင်လိုသူဖြစ်၏။ သူ၏ ပယောဂကြောင့် အေးမောင်တို့ ရန်ပွဲအကြောင်း ဆရာစော၏ နားသို့ ပေါက်သွား၏။

အေးမောင်နှင့် လူလှတို့အား ဆရာစော ခေါ်လေပြီ။ ရောက်ကြကုန်၏။ အကြောင်းကို မေးလေပြီ။ ဟုတ်မှန်သည့် အတိုင်း ဖြေကြကုန်၏။ အေးမောင်၏ ကျောပေါ်သို့ ဆရာစော၏ ကြိမ်လုံးစကြာငါးချက်ခလေပြီ။ အေးမောင်မှာ တော်တော်နှင့် မထနိုင်။
လူလှ၏ လက်ဝါးပြင်ပေါ်သို့လည်း ထိုကြိမ်လုံးစကြာပင် ငါးကြိမ်တိုင်တိုင် ဆင်းသက်လေပြီ။ လူလှလည်း စာအုပ်ကိုပင် မကိုင်နိုင်။

အောင်သိန်းကား စုတ်တသပ်သပ်နှင့် ၀မ်းနည်းလျက်နေ၏။ သို့သော်သူ၏ စိတ်ထဲတွင်ကား ၀မ်းသာ၍ မဆုံးပြီ။ အလွန်ညစ်သော အောင်သိန်းပါတကား။

ဟိုမှာကြည့်ကြပါဦး၊ လားလား …. စံအောင်တို့လူစု ကျောင်းပြေးဖိုးအောင်ကို ဖမ်းလာကြလေသည်။ ဖိုးအောင်ကား မလိုက်ချင် လိုက်ချင် လိုက်ပါလာရရှာ၏။ သူ့အား ကြိုးများဖြင့် တည်းထားသောကြောင့် ပါလာရ ခြင်းဖြစ်လေသည်။ သူတို့တစ်ကိုယ်လုံးလည်းရွှဲရွှဲစိုနေတော့၏။ ဖိုးအောင်ကို မိုးရေထဲတွင် ဆွဲလာကြလေသည်။

ဖိုးအောင် ကျောင်းပြေး အိမ်ပြေး လုပ်နေသည်မှာ လေးရက်ပင် ကြာလေပြီ။ ဘုန်းတော်ကြီး ဦးဝိမလ၏ ကျောင်းတွင် ခိုကပ်ကာနေလေပြီ။ စံအောင်တို့လူစု ဖိုးအောင်ကိုသွား၍ အဖမ်းတွင် ဘုန်းကြီးကျောင်းသားများ နှင့် စစ်ဖြစ်ခဲ့ကြရသေးသည်။ စံအောင်တို့က မိုက်အားကောင်းသောကြောင့်သာ ဘုန်းကြီးကျောင်းသားများ လက်လျှော့ကြရလေသည်။

ဆရာစော၏ ကျောင်းတစ်ကျောင်းလုံးတွင် စံအောင်ထက်မိုက်သောသူမရှိ။ စံအောင်အား ဗိုလ်တင်၍ ထားကြရလေသည်။ တစ်ကျောင်းလုံးတွင် ဆရာစောအပြင် သူ့ကိုအကြောက်ရဆုံးဖြစ်၏။ ဆရာစောကိုယ်တိုင် ပင် စံအောင်အား ခပ်ရွံ့ရွံ့။ သူ့အား အလိုလိုက်၍ ထားလေသည်။ ကျောင်းသားများ မုန့်ဝယ်စားလျှင် စံအောင် အား တစ်ဝက်ဝေငှ၍ စားကြရ၏။ စံအောင်တည်းဟူသော နတ်ဆိုးကို မပသ မတင်မြှောက်ဘဲ မစားဝံ့ကြချေ။

စံအောင်တို့ လူစုလက်တွင် ရုန်းကန် ရုန်းကန်နှင့် ပါ၍လာသော ဖိုးအောင်ကား ဆရာစော၏ ရှေ့မှောက်သို့ ရောက်လာလေပြီ။ ဆရာစော ဒေါသထွက်ခိုက် ဆရာစော၏ ကြိမ်လုံးစကြာမှာလည်း သွေးစွန်း ခိုက်၊ ဖိုးအောင်ကိုလည်း မိ၍လာခိုက်နှင့် ကြုံကြိုက်လေပြီ။ ကျောင်းသားအပေါင်းတို့ တုန်လျက်နေကြကုန်၏။ ရင်ထဲတွင် တထိတ်ထိတ်နှင့် နေကြလေသည်။ အောင်သိန်းမှာ ဖိုးအောင်ကို သနားယောင်ဆောင်နေ၏။ သို့ သော် စိတ်ထဲတွင်ကား ၀မ်းသာ၍မဆုံးပြီ။ သူတကာအရိုက်ခံရလျှင် အောင်သိန်းဝမ်းမသာသည် မရှိ။

ဖိုးအောင် ကျောင်းပေါ်သို့ ရောက်သည်နှင့် တပြိုင်နက် မမေးမမြန်းဘဲ ဆရာစောသည် မိမိ၏ကြိမ်လုံး စကြာဖြင့် လှမ်း၍နှက်တော့၏။ အချက်ပေါင်းမရေတွက်နိုင်ပြီ။ ဖိုးအောင်လည်း ဆရာစော၏ ရင်ခွင်အတွင်းသို့ တိုး၍ တိုး၍ ၀င်သောကြောင့် အနည်းငယ် သက်သာရာ ရလေသည်။
နောက်ဆုံး၌ ဖိုးအောင်လည်း မော၊ ဆရာစောလည်း မောလေတော့သည်။ သည်တော့မှ ရိုက်ပွဲကြီး ပြီးသွားလေသတည်း။ ကျောင်းသားအပေါင်းတို့က ဖိုးအောင်ရှောင်တိမ်းပုံကို သဘောကျကြကုန်၏။ အောင်သိန်းတစ်ယောက်သာ မကျေမနပ်ဖြစ်လျက် နေလေသည်။

ဆရာစောမှာ မော၍ အထိုင်လိုက်၊ အင်းသားကြီး ကတော် ဒေါ်သာအိလည်း သားကလေး ရွှေလှနှင့် ရွှေစတို့ကို လက်ဆွဲ၍ ရောက်လာခိုက်နှင့် တစ်ပြိုင်တည်း ကျလေသည်။
ဒေါ်သာအိကား သားကလေး ရွှေသွေးနှစ်ယောက်တို့အား ဆန်နှစ်ပြည်၊ ငွေနှစ်မတ်တို့နှင့် ကျောင်းအပ် ရန် လာခြင်းဖြစ်လေသည်။ ဆရာစောလည်း ပြုံးရွှင်စွာ စကားပြောပြီးလျှင် ရွှေလှနှင့် ရွှေစတို့အား လက်ခံလိုက် လေသည်။ ဒေါ်သာအိမှာ သားကလေးနှစ်ယောက်တို့်အား ကျောင်းတွင် ထားခဲ့ပြီးလျှင် ဆင်း၍သွား၏။

ရွှေလှနှင့် ရွှေစတို့လည်း ကျွတ်ကျွတ်ညံအောင် ငိုကြွေးကြလေသည်။ မငိုဘဲ နေကြမည်လော။ ရွှေလှ မှာ ခြောက်နှစ်၊ ရွှေစမှာ လေးနှစ်မျှသာ ရှိကြသေး၏။ အိမ်တွင် ဆော့ကြလွန်း၍ တစ်ယောက်လျှင် ဆန်တစ်ပြည် ငွေတစ်မတ်နှင့် ဆရာစောအား ကလေးလာ၍ အထိန်းခိုင်းခြင်းဖြစ်လေသည်။ ရွှေလှနှင့်ရွှေစ တို့ငို၍ကောင်းတုန်းပင်၊ ဒေါ်သာအိ မိမိ၏အိမ်သို့ ပြန်ရောက်၏။

ရွှေလှတို့ ငိုချင်းမဆုံးသေး၊ ဆရာစော၏ ကြိမ်စကြာကျောင်းတော်၏ ကြမ်းပြင်သို့ ဘန်းဘန်းဟူသော အသံဖြင့် ကျဆင်းလေမှ ရွှေလှတို့ ငိုချင်းဆုံးလေပြီး။

ထို့နောက် ဒေါ်သာအိ ပူဇော်၍သွားသော ဆန်နှစ်ပြည်၊ ငွေနှစ်မတ်တို့ကိုအပ်ရန် ဆရာကတော်ကြီးအား ဆရာစောက ခေါ်လေသည်။ ထူးသာ ထူးနိုင်သည်၊ မလာနိုင်သေး။ အဘယ် လာနိုင်အံ့နည်း၊ ကျောင်းသား ကျောင်းသူတို့အား ရောင်းရန် ပဲလှော်ကို လှော်လျက်နေလေသည်။
ဆရာစော၏ ကျောင်းသား ကျောင်းသူတို့ကား ဆရာကတော်ကြီးရောင်းသော ပဲလှော်အပြင် မည်သည့် မုန့်ကိုမှ ၀ယ်စားခြင်းမပြုရ။ ကျောင်းသားများနှင့် သင့်လျော်လေအောင် အထူးစီမံထားသော ပဲလှော်ဖြစ်လေ သည်။ (ဤကား ဆရာကတော်ကြီး၏ အဆိုတည်း)

ဆရာကတော်ကြီး ပဲလှော်နေခိုက် မြစိန်က ထမင်းအိုးတည်၏။ သန်းမြက ငါးလုပ်၏။ မယ်သင်က ကင်ပွန်းရွက်ခြွေ၏။ သူတို့သုံးယောက်ကား သင်ပုန်းကြီးကိုပင် ကုန်အောင်မသင်ကြရသေး။ သို့သော် ဆရာက တော်ကြီး၏ အချစ်တော်များ ဖြစ်ကြလေသည်။ ဆရာကတော်ကြီး၏ အချစ်တော်ဆိုလျှင် ဆရာစော၏အချစ် တော်လည်း ဖြစ်ရပေမည်။ ဆရာစောနှင့် ဆရာကတော်မှာ နှစ်ကိုယ့်တစ်စိတ်ဖြစ်သောကြောင့်ပေတည်း။

ဆရာကတော်ကြီး၏ အလိုအားဖြင့် မိန်းကလေးတို့ မည်သည်မှာ စာတတ်ရန်မလို။ စာတတ်လျှင် ရည်း စားထားလေ့ ရှိကြကုန်၏။ ကကြီး ခခွေးနှင့် ဘုရားရှိခိုးတတ်လျှင် တော်ပြီ။ မိမိမှာ ဆရာကတော်ပင် ဖြစ်စေကာ မူ စာဖတ်၍မတတ်။

မိန်းကလေးဟူက အချက်အပြုတ်တတ်ရမည်၊ အချက်အပြုတ်မတတ်ပါက ရှက်စရာကောင်းလေသည်။ ထို့ကြောင့် မိမိ၏အချစ်တော် မယ်သင်၊ သန်းမြ၊ မြစိန်တို့အား ချက်ပြုတ်နည်း အမျိုးစုံအောင် သင်ကြားပြသ လျက် နေလေသည်။

ဆရာကတော်ကြီး၏ လုံ့လကြောင့် မြစိန်တို့သုံးယောက်မှာ ထမင်းချက်လည်း တတ်ကြလေပြီ။ ချဉ်ပေါင်ဟင်း၊ ကင်ပွန်းရွက်ဟင်း၊ ကန်စွန်းရွက်ဟင်းချက်နည်းတို့ကိုလည်း တတ်ကြလေပြီ။

ကြက်သား၊ ဘဲသား၊ ၀က်သား ဟင်းချက်နည်းတို့ကိုကား မသင်ကြားရသေးချေ။ ဆရာတော် ကလည်း မချက်တတ်သောကြောင့် မဟုတ်ပါ။ ကြက်သား၊ ဘဲသား၊ ၀က်သားတို့ကို မ၀ယ်နိုင်သောကြောင့်သာ မသင်ကြားရခြင်း ဖြစ်လေသည်။

ဟော … ဟော ဆရာကတော်ကြီး ထွက်လာပြီ။ ဆံပင်မှာ ဆီမရှိ၊ ခေါင်းပွကြီးနှင့် ဖြစ်၏။ အင်္ကျီမှာ လက်နှီးရောင်၊ ထဘီမှာဖာထေးရာတွေ အနန္တ၊ ညစ်ထေးတော်မူလှသော ဆရာကတော်ကြီး ဖြစ်လေသည်။ အင်းသားကြီးကတော် ဒေါ်သာအိ ပူဇော်ခဲ့သော ဆန်နှစ်ပြည်နှင့် ငွေနှစ်မတ်တို့ကို သိမ်းကာ နောက်ဖေးသို့ ၀င်သွား၏။

ဆရာစောလည်း ကျောင်းလွှတ်လိုက်ပြီ၊ ကျောင်းသားအပေါင်းတို့လည်း နှစ်ထောင်းအားရ အိမ်သို့ပြန်ကြလေသတည်း။

ကျောင်းသားများကိုကြည့်ကာ “ဒီကျောင်းဆရာ သင်ပုံမျိုးနဲ့ ကျောင်းသားတွေ စာမှတတ်ပါ့ မလား သူကြီးမင်း”ဟု မောင်လူအေးက သူကြီးမင်း ဦးဖိုးထုံအား မေး၏။
“တတ်သင့်သလောက်တော့ တတ်တာပါပဲ” ဟု ဦးဖို:ထုံက ဖြေလေသည်။

“တတ်မယ် မထင်ပါဘူးဗျာ” မောင်လူအေး ဆိုပြန်လေသည်။

ဤသို့မှတ်ချက်ချသော မောင်လူအေးမှာ မိမိငယ်စဉ်က ဤကျောင်းမျိုးမှာပင် ပညာသင်ကြားပြီးနောက် တစ်စ တစ်စ တိုးတက်ကာ ယခုအခြေအနေသို့ ရောက်နေသည်ကို အမှတ်ရဟန်မတူ။ နောင်နှစ်ပေါင်း လေးဆယ် ငါးဆယ်ခန့်ကြာလျှင် ဤရွာကျောင်းမှာပင် မြန်မာပြည်သမ္မတ ထွက်ချင် ထွက်နေမည်ကိုလည်း စဉ်း စားမိပုံမပေါ်။

**သိပ္ပံမောင်ဝ**
...............
(မြန်မာပြည်သား ဘလော့မှ ကူးယူဖော်ပြပါသည်။)