မချိုချိုဝင်းသည် (ဦးလောကို+ဒေါ်မြင့်ရင်) တို့ နေထိုင်ခဲ့သော မံစီမြို့နယ်၊ မွန်မြင့်ကျေးရွာသည် ဗန်းမော်မြို့မှ မိုင်ငါးဆယ်ကျော်ဝေးပြီး ခရီးလမ်းပန်း ဆက်သွယ်ရေး မကောင်းသဖြင့် သွားလာရ ခက်ခဲလှကြောင်း၊ ကတ္တရာလမ်းမရှိ၊ ဓာတ်မီးတိုင်မရှိ၊ တီဗီ မရှိကြောင်း၊ ကျေးရွာ စာကြည့်တိုက် မရှိသကဲ့သို့ ကျေးလက် ဆေးပေးခန်းလည်း မရှိကြောင်း၊ အစစအရာရာ ရှားပါးပြီး မွန်မြင့်ရွာ ဆိုသည်ကို သိသူနည်းပါးလှကြောင်း၊ ရွာသားအားလုံးနီးနီးမှာ လယ်ယာ စိုက်ပျိုးရေးကို အဓိကစီးပွားရေး အဖြစ် လုပ်ကိုင် စားသောက်ကြပြီး ဗဟုသုတ နည်းပါး လွန်းကြကြောင်း၊ ဆင်းရဲချို့တဲ့ နိမ့်ကျလွန်းလှသည့် မိမိ၏မိဘများနှင့် ကျေးရွာသူ ကျေးရွာသားများ၏ဘဝကို တိုးတက်ဖွံ့ဖြိုး စေရန်အတွက် စာကို အလွန်ကြိုးစား သင်ယူခဲ့ကြောင်း၊ မြန်မာစာကို အောင်မှတ်ရရုံသာ မှန်းခဲ့ပြီး ငါးဘာသာ ဂုဏ်ထူးသာထွက်မည် ထင်ခဲ့ရာ ယခုကဲ့သို့ တစ်ဘာသာပိုပြီး ခြောက်ဘာသာနှင့် အောင်မြင်ခဲ့ကြောင်း၊ ကျေးလက်နေ ဘဝတူ မိမိရွာသားများကို အကျိုးပြုနိုင်ရန် ဆက်လက် ကြိုးပမ်းသွားမည်ဟု ရည်ရွယ်ထားကြောင်း၊ အမှတ်စာရင်း မသိရသေးပေမယ့် ဆေးလိုင်းရလိမ့်မည်ဟု မျှော်မှန်းထားပါကြောင်း၊ တက္ကသိုလ်ရောက်သွားရင်လည်း အရည်အချင်းပြည့် အဆင့်မီအောင်မြင်ပြီး မိမိဒေသအကျိုး၊ မိမိတိုင်းပြည်အကျိုးကို အစွမ်းကုန် သယ်ပိုးနိုင်ရန် ကြိုးစားသွားပါမည် ဖြစ်ကြောင်း သိရပါသည်။
မချိုချိုဝင်းသည် ယခုအခါ ဗန်းမော်ရိုးကြီးရွာ ဒုက္ခသည်စခန်းတွင် အဖွဲ့အစည်းအသီးသီးနှင့် စေတနာရှင်၊ အလှူရှင်များ၏ အကူအညီဖြင့် ရပ်တည်နေရကြောင်း တက္ကသိုလ် ဆက်တက်နိုင်ရန် အခက်အခဲများစွာ ရှိနေကြောင်း ကြားသိရပါသည်။
၂ဝ၁၂ ခု တက္ကသိုလ်ဝင် ခရိုင်ပေါင်းချုပ် အောင်စာရင်းတွင် ခြောက်ဘာသာ ဂုဏ်ထူးရှင် ၄ ဦး၊ ငါးဘာသာ ဂုဏ်ထူးရှင် ၈ ဦး၊ လေးဘာသာ ဂုဏ်ထူးရှင် ၁၄ ဦး၊ သုံးဘာသာ ဂုဏ်ထူးရှင် ၂ဝ ဦး၊ နှစ်ဘာသာ ဂုဏ်ထူးရှင် ၆၇ ဦးနှင့် တစ်ဘာသာ ဂုဏ်ထူးရှင် ၃၆၄ ဦး စုစုပေါင်း ၄၇၈ ဦး ဂုဏ်ထူးဖြင့် အောင်မြင်ခဲ့ကြောင်း သိရပါသည်။
The Myanmar Independent News Journal
No comments:
Post a Comment